Kalo te përmbajtja
BusullaAsistent për legjislacionin arsimor

41°19′N · 19°49′E — Tiranë

Legjislacioni arsimor, i lexuar me saktësi.

  • Përgjigje të mbështetura vetëm në tekstet ligjore të ngarkuara.
  • Çdo pohim me citim te neni dhe dokumenti burimor.
  • Hyrje pa fjalëkalim, me një kod që vjen në email-in tuaj.
Provoni falasShikoni rrugën

Hapi 0141°19′N 19°49′E

Regjistrohuni

Mjafton emri, mbiemri dhe email-i. Nuk ka fjalëkalim: hyni me një kod 6-shifror që ju vjen me email dhe vlen për 5 minuta.

Çdo llogari e re nis me planin falas Provë, me 3 pyetje.

Hapi 0241°17′N 19°52′E

Zgjidhni burimet

Përcaktoni në cilat koleksione tekstesh ligjore dëshironi të kërkoni: në një, në disa ose në të gjitha.

Hapi 0341°14′N 19°47′E

Bëni pyetjen

Pyesni në shqip, ashtu siç do të pyesnit një koleg.

Hapi 0441°11′N 19°53′E

Busulla kërkon

Asistenti bën disa kërkime, sipas kuptimit dhe sipas fjalëve kyçe, lexon pasazhet përreth çdo gjetjeje dhe ju tregon çdo hap ndërsa ndodh.

Hapi 0541°08′N 19°46′E

Përgjigje me citime

Çdo pohim ka një citim me numrin përkatës. Duke klikuar mbi të hapet dokumenti burimor te pasazhi i cituar.

Hapi 0641°05′N 19°51′E

Ruani, ndani, printoni

Bisedat ruhen në historikun tuaj. Mund ta ndani një bisedë si lidhje vetëm për lexim ku marrësi nuk mund të shtojë pyetje ose ta printoni.

Hapi 07Harta e planeve

Zgjidhni planin

Nisni falas me planin Provë. Kur keni nevojë për më shumë pyetje, zgjidhni një nga planet me pagesë.

Me planin vjetor kurseni rreth 17% krahasuar me 12 muaj të paguar veç e veç.

Si paguhet

  1. 1Krijoni llogari falas.
  2. 2Paguani me transfertë bankare dhe dërgoni mandatpagesën administratorit.
  3. 3Administratori e aktivizon planin.

Të dhënat e llogarisë bankare shfaqen brenda aplikacionit, pasi të keni hyrë.

Keni pyetje? Kontaktoni administratorin

Destinacioni

Gati për rrugën?

Krijoni llogarinë dhe bëni tri pyetjet e para falas.

Krijoni llogari falas

Busulla AI

Kushtet e përdorimit dhe deklarata e privatësisë – Busulla AI

Kushtet e përdorimit

1. Përdorimi i Busulla AI

Busulla AI ofron përgjigje, shpjegime, përmbledhje dhe materiale të gjeneruara nga inteligjenca artificiale, vetëm për qëllime të përgjithshme informuese dhe edukative.

Materialet e gjeneruara mund të përmbajnë gabime, pasaktësi, mangësi ose informacion të papërditësuar. Ato nuk përbëjnë këshillë ligjore, mjekësore, financiare, profesionale ose zyrtare dhe nuk zëvendësojnë konsultimin me një profesionist kompetent.

Informacioni i rëndësishëm duhet të verifikohet në dokumentet burimore, aktet zyrtare, legjislacionin në fuqi ose me një profesionist kompetent.

Në masën e lejuar nga legjislacioni në fuqi, Busulla AI nuk mban përgjegjësi për vendime, veprime, mosveprime ose pasoja që lidhen me përdorimin e materialeve të gjeneruara. Ky kufizim nuk përjashton përgjegjësinë që nuk mund të përjashtohet ose kufizohet me ligj.

2. Përdorimi i materialeve të gjeneruara

Materialet e gjeneruara mund të përdoren për qëllime personale, edukative, informuese dhe të tjera të ligjshme, brenda kuadrit ligjor në fuqi.

Përdoruesi është përgjegjës për mënyrën se si i përdor, përshtat, publikon ose shpërndan këto materiale dhe duhet të respektojë privatësinë, të drejtat e autorit dhe të drejtat e personave të tjerë.

3. Pyetjet dhe të dhënat personale

Shmangni përfshirjen në pyetje të të dhënave personale sensitive ose konfidenciale, tuajat apo të personave të tjerë, përveç rasteve kur kjo është e domosdoshme, e ligjshme dhe ju keni të drejtën ose autorizimin për t’i përdorur ato.

Mos përfshini, ndër të tjera:

  • numra identifikimi ose të dhëna nga dokumentet e identitetit;
  • të dhëna shëndetësore;
  • të dhëna biometrike ose gjenetike;
  • të dhëna të nxënësve, fëmijëve ose personave të identifikueshëm;
  • fjalëkalime ose të dhëna bankare;
  • të dhëna për origjinën etnike, bindjet politike ose fetare;
  • të dhëna për jetën seksuale ose orientimin seksual.

Të dhënat sensitive përfshijnë kategoritë e përcaktuara në legjislacionin për mbrojtjen e të dhënave personale. Përpunimi i tyre lejohet vetëm në rastet dhe me masat mbrojtëse të parashikuara nga ligji.

4. Ruajtja dhe përpunimi i pyetjeve

Pyetjet, bisedat dhe përgjigjet e gjeneruara ruhen në llogarinë tuaj për ofrimin, administrimin dhe sigurinë e shërbimit, për periudhën e përcaktuar në Politikën e Privatësisë.

Për gjenerimin e përgjigjeve, përmbajtja e pyetjeve u transmetohet ofruesve të jashtëm të shërbimeve të inteligjencës artificiale, të përcaktuar në Politikën e Privatësisë.

Politika e Privatësisë më poshtë është pjesë e këtyre kushteve. Ajo përcakton kush është kontrolluesi i të dhënave dhe si mund ta kontaktoni, cilat të dhëna përpunohen, për çfarë qëllimesh dhe mbi çfarë baze ligjore, kujt u jepen, sa kohë ruhen, kur transferohen jashtë vendit dhe si mund t’i ushtroni të drejtat tuaja.

5. Të drejtat e përdoruesit

Përdoruesi mund të kërkojë, sipas kushteve ligjore, aksesin, korrigjimin, fshirjen ose kufizimin e përpunimit të të dhënave të tij personale dhe mund të kundërshtojë përpunimin kur lejohet nga ligji.

Kur përpunimi bazohet në pëlqim, pëlqimi mund të tërhiqet në çdo kohë. Tërheqja e pëlqimit nuk cenon ligjshmërinë e përpunimit të kryer përpara tërheqjes.

6. Llogaria dhe përdorimi

Llogaria është personale dhe kredencialet e aksesit nuk duhet t’u jepen personave të tjerë.

Numri i pyetjeve dhe funksionalitetet e disponueshme kufizohen sipas planit të përdoruesit.

Administratori mund të kufizojë, pezullojë ose bllokojë llogarinë në rast keqpërdorimi, përdorimi të paautorizuar, cenimi të sigurisë së platformës ose shkeljeje të këtyre Kushteve të Përdorimit ose të legjislacionit në fuqi.

7. Ndryshimi i kushteve

Këto Kushte të Përdorimit dhe Politika e Privatësisë mund të ndryshojnë.

Për ndryshime thelbësore, përdoruesi do të njoftohet dhe, kur kërkohet, do t’i kërkohet t’i pranojë sërish përpara se të vazhdojë përdorimin e Busulla AI. Pëlqimi për një qëllim të ri përpunimi duhet të merret veçmas, kur kërkohet nga ligji.

Politika e privatësisë

1. Kontrolluesi i të dhënave

Kontrolluesi i të dhënave personale që përpunohen nëpërmjet Busulla AI është Qendra për Trajtime Faik Konica (NIPT L31420453E), me adresë Rr. Ali Demi, Tiranë, Shqipëri. Për çdo pyetje ose kërkesë lidhur me të dhënat tuaja mund të na kontaktoni në adresën busullaasistentiarsimor@gmail.com ose nëpërmjet formularit “Kontaktoni administratorin” në aplikacion.

2. Të dhënat që përpunojmë

  • të dhënat e llogarisë: emri, mbiemri, adresa email, plani dhe periudha e tij, data e regjistrimit dhe e pranimit të këtyre kushteve;
  • pyetjet që bëni, bisedat dhe përgjigjet e gjeneruara, si dhe bisedat që zgjidhni t’i ndani me lidhje;
  • të dhënat e përdorimit: numri dhe koha e pyetjeve, sasia e tekstit të përpunuar dhe kohëzgjatja e përgjigjeve;
  • mesazhet që i dërgoni administratorit dhe, kur paguani për një plan, mandatpagesa dhe të dhënat e pagesës që na dërgoni;
  • të dhëna teknike për sigurinë e hyrjes: kodet njëpërdorimshe të hyrjes (të ruajtura vetëm në formë të koduar), sesioni i hyrjes dhe një identifikues i koduar i adresës IP nga e cila kërkohet kodi.

Nuk ju kërkojmë të dhëna sensitive. Nëse i përfshini në pyetje, ato përpunohen si pjesë e pyetjes, prandaj ju lutemi t’i shmangni (shih pikën 3 të Kushteve të Përdorimit).

3. Qëllimet dhe baza ligjore

  • krijimi dhe administrimi i llogarisë, hyrja në llogari dhe gjenerimi i përgjigjeve – për zbatimin e marrëveshjes me ju, që përbëhet nga këto kushte;
  • transmetimi i pyetjeve te ofruesit e inteligjencës artificiale – për zbatimin e marrëveshjes dhe, kur kërkohet nga ligji, mbi bazën e pëlqimit tuaj;
  • dërgimi i emaileve të nevojshme (kodet e hyrjes, njoftimet për planin, përgjigjet ndaj mesazheve tuaja) – për zbatimin e marrëveshjes;
  • kufizimi i pyetjeve sipas planit, statistikat e përdorimit, parandalimi i keqpërdorimit dhe siguria e platformës – interesi ynë i ligjshëm për ta ofruar shërbimin në mënyrë të sigurt dhe të qëndrueshme;
  • ruajtja e dokumenteve të pagesave – për përmbushjen e detyrimeve ligjore kontabël dhe tatimore.

Të dhënat tuaja nuk shiten, nuk përdoren për reklama dhe ne nuk i përdorim pyetjet tuaja për të trajnuar modele të inteligjencës artificiale.

4. Marrësit e të dhënave

Të dhënat tuaja i shohin vetëm administratorët e Busulla AI, në masën që u nevojitet për administrimin e llogarive dhe të shërbimit. Për ofrimin e shërbimit përdorim ofruesit e mëposhtëm, të cilët i përpunojnë të dhënat vetëm për llogarinë tonë:

  • Requesty – ndërmjetësi që ua përcjell pyetjet modeleve të inteligjencës artificiale;
  • OpenAI – ofruesi i modelit që gjeneron përgjigjet dhe i shërbimit që përgatit pyetjet për kërkim, nëpërmjet Requesty;
  • Opper – renditja e fragmenteve të dokumenteve sipas lidhjes me pyetjen (merr pyetjen dhe fragmentet përkatëse);
  • Contabo – ofruesi i serverit ku ndodhen aplikacioni dhe baza e të dhënave, në Gjermani;
  • Backblaze – ruajtja e kopjeve rezervë të koduara, në Shtetet e Bashkuara;
  • ofruesi i shërbimit të emailit, për dërgimin e emaileve.

Bisedat që ndani me lidhje mund t’i lexojë kushdo që ka lidhjen, derisa ta ndaloni ndarjen. Të dhënat u jepen autoriteteve publike vetëm kur kjo kërkohet me ligj.

5. Transferimi jashtë vendit

Disa nga këta ofrues i përpunojnë të dhënat jashtë Shqipërisë, në Bashkimin Evropian dhe në Shtetet e Bashkuara. Transferimet kryhen vetëm me masat mbrojtëse të parashikuara nga legjislacioni për mbrojtjen e të dhënave personale, si klauzolat standarde kontraktuale për mbrojtjen e të dhënave.

6. Periudha e ruajtjes

  • llogaria, bisedat, pyetjet dhe statistikat e përdorimit ruhen për aq kohë sa ekziston llogaria. Bisedat që fshini nga lista juaj nuk shfaqen më, por mbeten të ruajtura deri në fshirjen e llogarisë, për statistikat e përdorimit dhe sigurinë;
  • kur kërkoni fshirjen, llogaria dhe të gjitha këto të dhëna fshihen nga baza e të dhënave; nga kopjet rezervë të koduara zhduken brenda 6 muajve, kur këto zëvendësohen;
  • regjistrimet që nuk konfirmohen me kodin e dërguar fshihen pas një dite;
  • kodet e hyrjes fshihen pas dy ditësh, ndërsa sesionet e hyrjes skadojnë pas 12 orësh;
  • dokumentet e pagesave ruhen për afatin e kërkuar nga legjislacioni kontabël dhe tatimor.

7. Siguria

Lidhja me aplikacionin është e koduar (HTTPS). Kodet e hyrjes ruhen vetëm në formë të koduar, sesioni mbahet në një cookie të mbrojtur, qasja në të dhëna kufizohet sipas rolit dhe kopjet rezervë ruhen të koduara.

8. Cookies

Busulla AI përdor vetëm një cookie të domosdoshme, për të mbajtur sesionin e hyrjes. Nuk përdorim cookies për reklama apo për ndjekje. Shfletuesi juaj ruan gjithashtu, vetëm në pajisjen tuaj, burimet që keni zgjedhur për kërkim.

9. Të drejtat tuaja

Sipas legjislacionit për mbrojtjen e të dhënave personale, keni të drejtë të kërkoni:

  • aksesin në të dhënat tuaja dhe një kopje të tyre;
  • korrigjimin e të dhënave të pasakta;
  • fshirjen e të dhënave;
  • kufizimin e përpunimit;
  • marrjen e të dhënave në një format të strukturuar, për t’ia dhënë një kontrolluesi tjetër.

Keni gjithashtu të drejtë të kundërshtoni përpunimin që bazohet në interesin tonë të ligjshëm dhe ta tërhiqni pëlqimin në çdo kohë. Tërheqja e pëlqimit për transmetimin e pyetjeve te ofruesit e inteligjencës artificiale do të thotë që nuk mund të bëni më pyetje.

Fshirjen e llogarisë dhe të të dhënave mund ta kërkoni drejtpërdrejt te faqja “Planet dhe abonimi”, edhe kur plani juaj nuk është aktiv. Për kërkesat e tjera na kontaktoni në adresën busullaasistentiarsimor@gmail.com ose nëpërmjet formularit “Kontaktoni administratorin” në aplikacion. Ju përgjigjemi pa vonesë dhe jo më vonë se një muaj nga marrja e kërkesës.

Deklarata e pranimit

Duke klikuar “Pranoj”, konfirmoj se:

  • kam lexuar dhe pranoj Kushtet e Përdorimit;
  • kam lexuar Politikën e Privatësisë;
  • kuptoj se përgjigjet gjenerohen nga AI dhe mund të përmbajnë gabime;
  • kuptoj se informacioni i rëndësishëm duhet të verifikohet në dokumentet burimore;
  • do ta përdor Busulla AI dhe materialet e gjeneruara në mënyrë të ligjshme dhe të përgjegjshme;
  • do të shmang përfshirjen e të dhënave personale sensitive ose konfidenciale në pyetje.

Kontaktoni administratorin

Shkruani kush jeni dhe për çfarë ju nevojitet ndihma.

0 / 3000